Hi…friends
ഇന്ന് ഞാൻ ഉണ്ടാക്കാൻ പോകുന്നത് എല്ലാവർക്കും ഒത്തിരി ഇഷ്ട്ട്ടപെടുന്ന വളരെ പോപ്പുലറായ ഒരു ഇന്ത്യൻ ഡിഷ് ആണ് ബട്ടർ ചിക്കൻ…
ബട്ടർ ചിക്കൻ വളരെ പെട്ടന്നുണ്ടാക്കാൻ പറ്റുന്ന ഒരു കറിയാണ് ഇത് റൊട്ടി ചപ്പാത്തി പൊറോട്ടാ കുബൂസ് അങ്ങിനെ എല്ലാത്തിന്റെയും കൂടെ കഴിക്കാൻ നല്ല കോമ്പിനേഷൻ ആണ്. അപ്പൊ നമുക്ക് തുടങ്ങാം…
ചേരുവകൾ:-
- ചിക്കൻ – 500 gm
- ഇഞ്ചി വെളുത്തുള്ളി പേസ്റ്റ് -1ടേബിൾ സ്പൂൺ
- കാശ്മീരി ചില്ലി പൌഡർ – 1ടേബിൾ സ്പൂൺ
- മഞ്ഞൾ പൊടി – 1ടീസ്പൂൺ
- ഉപ്പ് ആവശ്യത്തിന്
- ബട്ടർ – 2 ടേബിൾ സ്പൂൺ
- സവാള – 1
- തക്കാളി – 2
- കശുവണ്ടി – 15
- ഇഞ്ചി വെളുത്തുള്ളി പേസ്റ്റ് -1ടേബിൾ സ്പൂൺ
- വിനാഗിരി – അര ടീസ്പൂൺ
- പഞ്ചസാര -അര ടീസ്പൂൺ
- ഗരം മസാല – അരടീസ്പൂൺ
- ഫ്രഷ് ക്രീം – 1 ടേബിൾ സ്പൂൺ
- കസൂരി മേത്തി – അൽപ്പം
തയ്യാറാകുന്ന വിധം :-
- ചിക്കൻ കഴുകി വൃത്തിയാക്കിയതിൽ രണ്ടു മുതൽ അഞ്ചു വരെയുള്ള ചേരുവകൾ പുരട്ടി അര മണിക്കൂർ വെക്കുക. ഒരു കാടായി അടുപ്പിൽ വെച്ച് ചൂടാവുമ്പോൾ ഒരു ടേബിൾസ്പൂൺ ബട്ടർ ചേർക്കുക. ഇതിലേക്ക് സവാള ചേർത്ത് വഴറ്റുക.
- സവാള വഴന്നു തുടങ്ങുമ്പോൾ തക്കാളിയും കശുവണ്ടിയും ചേർത്ത് വഴറ്റുക.ആവശ്യത്തിന് ഉപ്പും അര ടീസ്പൂൺ പഞ്ചസാരയും ചേർക്കാം.
- തക്കാളി ഉടഞ്ഞു തുടങ്ങുമ്പോൾ ഇഞ്ചി വെളുത്തുള്ളി പേസ്റ്റും ഒരു ടീസ്പൂൺ വിനാഗിരിയും ചേർക്കുക. മുളകുപൊടിയും ഗരം മസാലയും ചേർത്തു മസാലയുടെ പച്ചമണം മാറിയാൽ തീ ഓഫ് ചെയ്യാം.
- ചൂടാറിയ ശേഷം മിക്സിയിൽ നൈസ് ആയി അരച്ചെടുക്കുക. മറ്റൊരു പാൻ അടുപ്പിൽ വെച്ച് ചൂടാവുമ്പോൾ ബട്ടർ ചേർക്കുക. ഇതിലേക്ക് ചിക്കൻ ചേർത്ത് ഫ്രൈ ചെയ്യുക .
- ഹാഫ് ഫ്രൈ ആയാൽ അരപ്പ് ചേർക്കുക. ചെറുതായി തിള വരുമ്പോള് മുകളിൽ ഫ്രഷ് ക്രീമും കസൂരി മേത്തിയും വിതറി തീ ഓഫ് ചെയ്യാം.
- നമ്മുടെ ബട്ടർ ചിക്കൻ റെഡി….Enjoy…
